محمد الحسن راشد
Admin
المساهمات : 264
تاريخ التسجيل : 15/01/2011
العمر : 1827
 | |
محمد الحسن راشد
Admin
المساهمات : 264
تاريخ التسجيل : 15/01/2011
العمر : 1827
|  موضوع: ذات الشامة  الجمعة فبراير 04, 2011 6:22 am | |
|
وحياة الأحلام القلبي سقاها
وحياة أجمل بسمة عرف معناها
وحياة سمرة لونا وحاة محياها
وحياتك
وحياتي عندك
وحياة حبي
النال صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
وحياتك
وحياتي عندك
وحياة حبي
النال صدك
وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة
وحياتك
وحياتي عندك
وحياة حبي
النال صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة
وحياتك
وحياتي عندك
وحياة حبي
النال صدك
وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة
وحياتك
وحياتي عندك
وحياة حبي
النال صدك
| |
|
محمد الحسن راشد
Admin
المساهمات : 264
تاريخ التسجيل : 15/01/2011
العمر : 1827
| | موضوع: نور العين للشاعر الجمعة فبراير 04, 2011 6:25 am | |
|
[b][i]قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين
في اللون الأسمر ذوبت شبابي
وعشقت الجنة وفي الجنة عذابي
صابر وبتألم والمر دا شرابي
ياحليل الراحو ياحليل احبابي
يا نور العين
يا نور العين انت وينك وين
الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين
انا والنغام والعود في ايدي
بحكيلو حكايتي ويعيد ترديدي
واشكيلو همسة أوهبتو نشيدي
ياما الأوتار تفضحني من ريدي
يا نور العين
يا نور العين انت وينك وين
[/i][/b] | |
|
محمد الحسن راشد
Admin
المساهمات : 264
تاريخ التسجيل : 15/01/2011
العمر : 1827
| | موضوع: بلادى أنا الجمعة فبراير 04, 2011 6:26 am | |
| بلادى بلادى اهلا يا بلادى الف تحية ليك من الفؤادى
بلادى بلادى اهلا يا بلادى صدورنا حماية ليكى من الأعادى
بلادى أنا
بلاد ناسا فى أول مواريثهم كتاب الله
وخيل مشدود و سيف مسنون حداه درع
تقافيبهم تسرج الليل مع الحيران
وشيخا فى الخلاوى ورع
وكم نخلات تهبهب فوق جروف الساب
وبقره حلوبة تتضرع وليها ضرع
بلادى أنا
تشيل الناس وكل الناس وساع بى خيرو لينا يسع
وتتدفق مياه النيل على الوديان
بياض الفضه فى وهج الهجير يشع
بلادى سهول بلادى حقول
بلادى الجنه لي الشافوها أو للبره بيها سمع
بلادى أنا.... تكرم الضيف
وحتى الطير يجيها جيعان ومن أطلااف تقيها شبع
بلادى الصفقه والطنبور و داراتا تنح فى الليل
وبنوتا تحاكى الخيل...يشابن زى جدى الريل
وشبالا مكنكن فى طريفو ودع
بلادى ...بلاد من التاريخ
من ترهاقا لى عن ميسنا ..حتى الجاى خيل و دروع
بلادى أمان ..بلادى حنان ..وناسا حنان
يكفكفو دمعه المفجوع...يبدوا الغير على ذاتهم
يقسموا اللقمه بيتاتهم ..ويدوا الزاد
حتى ان كان مصيرهم جوع
يحبوا الدار ..يموتو عشان حقوق الجار
ويخوضوا النار ..عشان غد دمعه
وكيف الحال اكان شافوها سايلة دموع
ديل أعلى البقيف فى الداره ..وسط الداره واتنبر ا
واقوللدنيا ...ديل أهلى..كل الدنيا ..ديل أهلى
عرب ممزوجة بى دم الزنوج الحارة ..ديل أهلى
وديلة قبيلتى لما ادور أفصل ..للبدور فصلى
أقول بعضى ألاقيهم تسربوا فى مسارب الروح بقوا كلى
أصحاب روحى والاحساس..
و سافر فى بحار شوقهم كمان عقلى
محل قبلت ألقاهم معاى ..معاى ..زى ضلى
لو ما جيت من زى ديل ..كان أسفاى...وا مأساتى ..وا ذلى
تصور كيف يكون الحال ,,لو ما كنت سودانى ..
وأهل الحارة ما أهاى | |
|
