الشاعر اسحاق الحلنقي

اسحق الحلنقي قطعة من كسلا ... هو سمرة من جبالها وخضرة من مروجها وبسمة في عيون أهلها ... عبر الحلنقي عم كوامن دواخله وأبرز كيف التواشح مع الجمال والتسامح والتناسخ مع المواقف فجاء شعره الغنائي متسم ببساطة الصدق وحرارة العاطفة ويسر الكلمات والمقاطع فأصبح علي الألسنة ترديداً وهتافاً فكسلا الوطن الصغير الملاذ الذي احتمي به الحلنقي عصماً من دواخله الضياع فجادت قريحته بالكثير الممتع ...
أخذ من قوس قزح المتدني فوق جب التاكا الأشم الذي يسترضع القمر ويتدلي علي دائرة الظل علي هامش نبع توتيل السلسبيل وركائم السحائب تشق طريقها لتنسم حبات الندي المتساقط صبحاً

موضوع: الكروان .... الجمعة فبراير 18, 2011 4:15 am

لـيه يا كروان خليت عشك

بـاريت الـغربة الـبتغشك

فـارقـت الـبلد الـبتريدك

بـالصندل كـانت بـترشك

لـيه يا كروان سبت ديارك

ومـشيت خـليتهم سـمارك

دي الـغربة الـحتت نوارك

مـا تـسيبها تـقلل مقدارك

دا الـبعد الحاصل كان منك

ليه نرمي اللوم على اقدارك

لـيه يا كروان خليت ناسك

ومـشيت لـلناس الماناسك

انـت المعروف بين جلاسك

مـعروف بي رقة احساسك

ليه تنسى عيون النيل والليل

والـريد الـحابس انـفاسك

لـيه يـا كروان بعدك طول

ومـا عـاد تغريدك زي أول

انـا عارفو حنينك ما تحول

عـشق الأوطـان ما بتاول

اصلو الانسان ما بكون انسان

لـو بنسى قديم زمنو الاول

موضوع: أصلو ما ممكن .. الجمعة فبراير 18, 2011 4:17 am

[size=24]ممكن وللا ما ممكن
أسيبك اصلو ما ممكن
اسيبك كيف بعد ريدك
صبح من روحي متمكن
**************
ممكن تختفي الأبراج
ويبقى النيل بدون أمواج
يغيب الكوكب الوهاج
وتبقى الزهرة من غير تاج
عارف شوقي ما بهدن
واسيبك أصلو ما ممكن
**************

ممكن يرحلوا النيلين
ويمشوا يهاجروا مغتربين
وممكن يجرح الياسمين
والزيتون يجافي التين
إلا الأصلو ما ممكن
نعيش انا وانت مفترقين
ممكن أي حاجة تكون
وحرف النون يكون ما نون
وممكن تاني يظهر لون
يضيع لون دهب شيبون
إلا الأصلو ما ممكن
غلاوتك عندي مرة تهون=blue]]

موضوع: شال النوار ... الجمعة فبراير 18, 2011 4:19 am

ياريت من أول000

وريتنا إنك يكمن00 تتأخر يوم

كان غائب00أطمنّا شويه

وبحرك ياليل00ماشفنا نجوم

بيقولوا الغائب00عذرو معاه

في غيابك ياما00نشيل اللوم

العيد الجاب الناس000لينا ما جابك

يعني نسيتنا خلاص

مع إنك إنت الخليتنا

نغني الحب00ذكري وإخلاص

موضوع: أعـز الناس ... الجمعة فبراير 18, 2011 4:20 am

يا أعز الناس حبايبك نحن ...
زدنا قليل حنان ...
العمر زادت غلاوة معاك ...
صالحني الزمان ...
يا أحن الناس حنانك ...
كنت من قبلك بشيل الليل دموع ...
وأطويه هم ...
أنا كنت بخشي علي الأماني الطفلة ...
يفنيها العدم ...
وجيت لقيتك بين ضلوعي شموع ...
وغنيتك نغم يا نغم ...
يا حبيب ورد الأماني الحلوة في أعماقي فتح ...
وأبتده القلب العاش العمر ...
في آهاته يفرح ...
والزمن ما أظن بعدك إنتِ ...
يرجع تاني يجرح ...

موضوع: امرك ياقدر ... الجمعة فبراير 18, 2011 4:22 am

مشي امرك ياقدر انت احكامك مطاعه
لوحصل نحن افترقنا والليالي الهم اضاعا
همسة الذكرى المعاي تبقى زاد روحي ومتاعا
ــــــــــــــــــــــــــــــــــــــــــــــــــ ـــــــ
الزمن كان مبتسم والليالي جميله حالمه
كانت الايام بتمضي حلوه ريانه ومسالمه
لا اشتكينا من الزمن لا لا التقينا في لحظه ظالمه
بي حنانا الدنيا كانت ياحبيب العمر عالمه
ــــــــــــــــــــــــــــــــــــــــــــــــــ ـــــــ
فجأه من غير نحن نشعر يافراق طليت علينا
واصبحت كل الليالي الطيبه والايام حزينه
وارتيم ظل في جبين ايامنا ظل آهات سجينه
كان طريق مكتوب نسيرو نحن سرناهو ومشينا
ــــــــــــــــــــــــــــــــــــــــــــــــــ ـــــــ
عدت من بعدك رجعت عشت متغرب وحيد
وابتديت اشعر بزهر العمر يتساقط بعيد
ياحليلك انت والايام ربيع اخضر سعيد
كنت ببكي عليك بعمري والدموع بس ما بتفيد

أقابلك في زمن ماشي وزمن جاي وزمن لسة
بشوف الماضي فيك باكر أريت باكر يكون هسة

وقصر طول مشاويرنا ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين كلامم كلو بالهمسة
وزي عصفورة قلبها دابو حنة وبالولف حسَّ

أي عيون بتتقابل إلا عينيكي ما بتتفات
في عينيك بتوه كيفن في حلاة البسمة في القاسيات
وعطر الصندل المستني يفرح بيكي فرحتو جات
وحاتك خلي منو شوية شان يتكاحل السمحات

بلاك النجمة لا بتتعلا لا بتتدلا فوقا هلال
عليكي الريدة طلي علينا يالختينا فيكي آمال
تجينا فرح ترفرفي فوقنا نستناكي بالموال
والشوق بيني بينك انتي زي ماتقول نظرة طال

هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن داير الدموع يتـقـلـو
ورجعـت خليت الـدموع يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
تـحت الـغمام شـايف مـواكب الـهجرة اتـلاشت سراع
ليه يـا عـصافير ليه الاسف مين علمك أسف الوداع
وعارف دا ما اول سفر لبلاد بـعيدة بـدون مـتاع
زى ما بتخافي مـن الرياح بنخاف كمان انحن الضياع
ليه يا عصافير ليه الضنى صفقة جناحك احزنها
غـايـب الـسنين الـليله مالو غنا العصافير غـلبو
طراهو زولا كان ولوف كم رضا خاطرو وطيبو
سمع قليبو كـلام حـنين هـدهد مـشاعرو ودوبـو
الـناس سعيدم فى الـحياة لا ضاق فراق لا جربو
وانا حالى فى بعد الوطن دفـعنى ضي العين تمن

يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك يتحداني
لمّ سحابة تلاقي سحابة
وتنزل منها دمعة عشاني
لمّ تلاقي مسافر عايد
تمشي وتسألي عن عنواني
وانا عنواني عيونك انتي
وأي مكان تمشيهو مكاني

****************
ياالفرهدتي فرح جواية
أنا جملتك بألواني
أنا علمتك تاخدي المعنى
من إحساسي وتدي معاني
أنا سافرت عشانك انتي
وسبت البلد الما ناسياني
كم حاولت أصارحك ياما
إلا العزة بقت مانعاني

****************
إستنيني ولو حاولت تصدي حناني
إستنيني ولو حاولت تصدي حنيني
ياما حتشقي ماظن تلقي
حِنيّن زيي يريدك تاني
ألأيام وانا قربك انتي
مهما تطول محسوبة ثواني
إنتي جمالك ياهو جمالي
وانتي زهورك من ريحاني
الأفراح بعرف ميعادا
وأي زمان تلقيهو زماني
يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحدانى

موضوع: أعذريني ... الجمعة فبراير 18, 2011 4:28 am

أعذريني الدمعة ديّه...حتبقى آخر دمعة ليّه....
تاني لو قربت مني.....يبقى ليك الحق عليّ....
********************
أعذريني محال أعاود....تاني ريدتك وأمشي ليها..
ولا أرحل في عيونك....والطفولة الضاجّة فيها....
كيفك أريدك وانتي أصلك....ريدتي ما حسيتي بيها..
بالبعاد ما تعذبيني......أعذريني وأعذريني.....
*********************
ما قدرت مرة واحدة......بالغلط أغلط عليك.....
وانتي عمرك كلو ظالمة.....والدليل غفراني ليك...
عارفو قلبك ما معاي.....برضي شاغل قلبي بيك.....
بالحنان ما تعشميني......أعذريني وأعذريني.....
*********************
من زمان وأنا راجي منك....كلمة بيها تفرحيني.....
وانتي ما فرحت قلبي......كنت ديمة تجرحيني......
قسمة الزول ما بتفوتو....والبجيني معاك بجيني....
لو بكت منك عيوني......سامحيها وأعذريني

» الشاعر احمد مطر
» الشاعر مصطفى سند
» الشاعر اسماعيل حسن
» الشاعر: علي الفزاني
» الشاعر: سيف الرحبي