المساهمات : 264 تاريخ التسجيل : 15/01/2011 العمر : 1821
موضوع: الشاعر اسحاق الحلنقي الجمعة فبراير 18, 2011 4:13 am
اسحق الحلنقي قطعة من كسلا ... هو سمرة من جبالها وخضرة من مروجها وبسمة في عيون أهلها ... عبر الحلنقي عم كوامن دواخله وأبرز كيف التواشح مع الجمال والتسامح والتناسخ مع المواقف فجاء شعره الغنائي متسم ببساطة الصدق وحرارة العاطفة ويسر الكلمات والمقاطع فأصبح علي الألسنة ترديداً وهتافاً فكسلا الوطن الصغير الملاذ الذي احتمي به الحلنقي عصماً من دواخله الضياع فجادت قريحته بالكثير الممتع ... أخذ من قوس قزح المتدني فوق جب التاكا الأشم الذي يسترضع القمر ويتدلي علي دائرة الظل علي هامش نبع توتيل السلسبيل وركائم السحائب تشق طريقها لتنسم حبات الندي المتساقط صبحاً
المساهمات : 264 تاريخ التسجيل : 15/01/2011 العمر : 1821
موضوع: أصلو ما ممكن .. الجمعة فبراير 18, 2011 4:17 am
[size=24]ممكن وللا ما ممكن أسيبك اصلو ما ممكن اسيبك كيف بعد ريدك صبح من روحي متمكن ************** ممكن تختفي الأبراج ويبقى النيل بدون أمواج يغيب الكوكب الوهاج وتبقى الزهرة من غير تاج عارف شوقي ما بهدن واسيبك أصلو ما ممكن **************
ممكن يرحلوا النيلين ويمشوا يهاجروا مغتربين وممكن يجرح الياسمين والزيتون يجافي التين إلا الأصلو ما ممكن نعيش انا وانت مفترقين ممكن أي حاجة تكون وحرف النون يكون ما نون وممكن تاني يظهر لون يضيع لون دهب شيبون إلا الأصلو ما ممكن غلاوتك عندي مرة تهون=blue]]
المساهمات : 264 تاريخ التسجيل : 15/01/2011 العمر : 1821
موضوع: أعـز الناس ... الجمعة فبراير 18, 2011 4:20 am
يا أعز الناس حبايبك نحن ... زدنا قليل حنان ... العمر زادت غلاوة معاك ... صالحني الزمان ... يا أحن الناس حنانك ... كنت من قبلك بشيل الليل دموع ... وأطويه هم ... أنا كنت بخشي علي الأماني الطفلة ... يفنيها العدم ... وجيت لقيتك بين ضلوعي شموع ... وغنيتك نغم يا نغم ... يا حبيب ورد الأماني الحلوة في أعماقي فتح ... وأبتده القلب العاش العمر ... في آهاته يفرح ... والزمن ما أظن بعدك إنتِ ... يرجع تاني يجرح ...
المساهمات : 264 تاريخ التسجيل : 15/01/2011 العمر : 1821
موضوع: امرك ياقدر ... الجمعة فبراير 18, 2011 4:22 am
مشي امرك ياقدر انت احكامك مطاعه لوحصل نحن افترقنا والليالي الهم اضاعا همسة الذكرى المعاي تبقى زاد روحي ومتاعا ــــــــــــــــــــــــــــــــــــــــــــــــــ ـــــــ الزمن كان مبتسم والليالي جميله حالمه كانت الايام بتمضي حلوه ريانه ومسالمه لا اشتكينا من الزمن لا لا التقينا في لحظه ظالمه بي حنانا الدنيا كانت ياحبيب العمر عالمه ــــــــــــــــــــــــــــــــــــــــــــــــــ ـــــــ فجأه من غير نحن نشعر يافراق طليت علينا واصبحت كل الليالي الطيبه والايام حزينه وارتيم ظل في جبين ايامنا ظل آهات سجينه كان طريق مكتوب نسيرو نحن سرناهو ومشينا ــــــــــــــــــــــــــــــــــــــــــــــــــ ـــــــ عدت من بعدك رجعت عشت متغرب وحيد وابتديت اشعر بزهر العمر يتساقط بعيد ياحليلك انت والايام ربيع اخضر سعيد كنت ببكي عليك بعمري والدموع بس ما بتفيد
المساهمات : 264 تاريخ التسجيل : 15/01/2011 العمر : 1821
موضوع: اقابـــــــــــــــلك ... الجمعة فبراير 18, 2011 4:23 am
أقابلك في زمن ماشي وزمن جاي وزمن لسة بشوف الماضي فيك باكر أريت باكر يكون هسة
وقصر طول مشاويرنا ورقش بالفرح جلسة على النيل والقمر مرات يبين في الموج ويدسة ونحن نقابلو زي طفلين كلامم كلو بالهمسة وزي عصفورة قلبها دابو حنة وبالولف حسَّ
أي عيون بتتقابل إلا عينيكي ما بتتفات في عينيك بتوه كيفن في حلاة البسمة في القاسيات وعطر الصندل المستني يفرح بيكي فرحتو جات وحاتك خلي منو شوية شان يتكاحل السمحات
المساهمات : 264 تاريخ التسجيل : 15/01/2011 العمر : 1821
موضوع: يا راجياني وما ناسياني الجمعة فبراير 18, 2011 4:27 am
يا راجياني وما ناسياني ياما الغربة بتتحداني وانا بتحدى الزمن الجاير لو في بعدك يتحداني لمّ سحابة تلاقي سحابة وتنزل منها دمعة عشاني لمّ تلاقي مسافر عايد تمشي وتسألي عن عنواني وانا عنواني عيونك انتي وأي مكان تمشيهو مكاني
**************** ياالفرهدتي فرح جواية أنا جملتك بألواني أنا علمتك تاخدي المعنى من إحساسي وتدي معاني أنا سافرت عشانك انتي وسبت البلد الما ناسياني كم حاولت أصارحك ياما إلا العزة بقت مانعاني
**************** إستنيني ولو حاولت تصدي حناني إستنيني ولو حاولت تصدي حنيني ياما حتشقي ماظن تلقي حِنيّن زيي يريدك تاني ألأيام وانا قربك انتي مهما تطول محسوبة ثواني إنتي جمالك ياهو جمالي وانتي زهورك من ريحاني الأفراح بعرف ميعادا وأي زمان تلقيهو زماني يا راجياني وما ناسياني ياما الغربة بتتحداني وانا بتحدى الزمن الجاير لو في بعدك يتحدانى
موضوع: الشاعر اسحاق الحلنقي 
الجمعة فبراير 18, 2011 4:13 am
